28.11.2024 | 21:50
Խոսքի ազատության բարելավում, հավաքների ոլորտում՝ վատթարացում․ «ՔՀԿ չափիչ 2024»-ի արդյունքները․ ՏԵՍԱՆՅՈՒԹ
Իրաքում թուրք դիվանագետներ են սպանվել
Քաղաքականություն
17.07.2019 | 19:45
Իրաքյան Քրդստանի մայրաքաղաք Էրբիլում ռեստորանի վրա հարձակման հետևանքով Թուրքիայի հյուպատոսության երեք աշխատակից է սպանվել: Այս մասին հայտնում է ՌԻԱ Նովոստին:
Հարձակվողները կրակ են բացել դիվանագետների ուղղությամբ: Արդյունքում սպանվել են գլխավոր հյուպատոսի տեղակալը և նրան ուղեկցող երկու դիվանագետները:
Թուրքիայի ՆԳՆ-ն հաստատել է նրանցից մեկի մահը: Բաղդադն իր հերթին չի հերքել դիվանագետների մահը:
Նշենք, որ Իրաքն ու Թուրքիան դիվանագիտական հարաբերություններ ունեն, սակայն երկու երկրների երկխոսությունն արդեն մի քանի տասնամյակ է՝ լարված բնույթ է կրում: Անկարայում բազմիցս դեմ են արտահայտվել Իրաքյան Քրդստանի անկախության գաղափարին:
Նելլի Մելքոնյան
