04.02.2026 | 23:29
ՇՄ նախարարը և Դևիդ Կուպերը քննարկել են «Կենսաբանական բազմազանության մասին» կոնվենցիայի ներքո ընթացող գործընթացներ
Վրաստանի ԱԳՆ-ն Դավիթ Գարեջիի վերաբերյալ հայտարարություն է տարածել
Մշակույթ
16.07.2019 | 12:12
Վրաստանի Արտաքին գործերի նախարարությունը Դավիթ Գարեջիում ստեղծված նոր զարգացումների վերաբերյալ հայտարարություն է տարածել. գրում է aliq.ge-ն:
«Ընթացիկ տարվա հուլիսի 14-ին Վրաստանի և Ադրբեջանի սահմանին գտնվող Դավիթ Գարեջիի վանական համալիրում ցավալի միջադեպ է տեղի ունեցել, որի ընթացքում ընդհարում է տեղի ունեցել տեղի բնակիչների և ադրբեջանցի սահմանապահների միջև»,- ասված է երկրի արտաքին գերատեսչության հայտարարությունում:
ԱԳՆ-ն նշում է նաև, որ Վրաստանի համապատասխան գերատեսչությունների արձագանքման հետևանքով, իրավիճակը հանդարտվել է:
«Նմանատիպ միջադեպերը չեն համապատասխանում մեր երկրների միջև առկա ռազմավարական, գործընկերական հարաբերություններին: Հենց այդ պատճառով անհրաժեշտ է, որպեսզի ժամանակին ընթանա փորձագիտական խմբերի և դելիմիտացիայի հանձնաժողովների հանդիպումները, ինչի համար վրացական կողմը հայտնում է իր ողջ պատրաստակամությունը»,- ասված է Վրաստանի ԱԳ նախարարության հայտարարությունում:
