13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Բրիտանիան որոշել է Ասանժին չարտահանձնել այնպիսի երկիր, որտեղ մահապատիժ է գործում
Քաղաքականություն
16.07.2019 | 12:20
Բրիտանական իշխանությունները որոշել են WikiLeaks-ի հիմնադիր Ջուլիան Ասանժին չարտահանձնել այնպիսի երկիր, որտեղ նրան կարող է մահապատիժ սպառնալ: Այս մասին հայտնել է Մեծ Բրիտանիայի ԱԳ փոխնախարար, Եվրոպայի և Ամերիկայի հարցերով նախարար Ալան Դանկանը, գրում է «Իզվեստիա»-ն:
Բրիտանացի նախարարն Էկվադորում հայտարարել է նաև, որ Լոնդոնը հոգ է տանում Ասանժի առողջության մասին:
WikiLeaks-ի հիմնադիր Ջուլիան Ասանժը, հիշեցնենք, 2012 թվականից թաքնվում էր Լոնդոնում Էկվոդորի դեսպանատանն այն բանից հետո, երբ Շվեդիան նրան մեղադրեց սեռական ոտնձգության և բռնաբարության համար: Նա նաև վախենում էր ԱՄՆ արտահանձնվելուց:
Ապրիլի 11-ին Էկվադորի դեսպանատունն Ասանժին հանձնեց բրիտանական իշխանություններին: Հունիսի 10-ին հայտնի դարձավ, որ ամերիկյան արդարադատության նախարարությունը նրա արտահանձնման հարցով պաշտոնապես դիմել է Մեծ Բրիտանիային:
ԱՄՆ-ում WikiLeaks-ի հիմնադրին մեղադրանք է առաջադրվել 18 կետով, նրան կարող են 175 տարվա ազատազրկման դատապարտել:
Ջուլիան Ասանժին ԱՄՆ-ին արտահանձնելու հարցով լսումները կանցկացվեն 2020 թվականի փետրվարի 24-ից հետո:
