08.12.2025 | 17:22
IDBank-ը մասնակցել է Տնօրենների հայկական ինստիտուտի 10-րդ տարեդարձին նվիրված համաժողովին
Վերնիսաժում վիրավորվածը Ալավերդու հանցավոր խմբավորումներից մեկի պարագլուխն է. ուշագրավ մանրամասներ
14.09.2017 | 16:13
Factor.am- ին հայտնի դարձավ, որ Վերնիսաժի տարածքում հնչած կրակոցների արդյունքում վիրավորվածը Ալավերդի քաղաքի բնակիչ Վահագն Աբգարյանն է: Նա ոչ վաղ անցյալում հայտնվել է տարբեր կրիմինալ պատմությունների կիզակետում, և ըստ «Փաստ» օրաթերթի` ղեկավարում է Ալավերդու հանցավոր խմբավորումներից մեկը:
Մասնավորապես` այս տարվա հունիսին Ալավերդի քաղաքում հնչած կրակոցները ևս կապվում էին նրա անվան հետ: Այսպես. «Փաստ» թերթը դեռևս հունիսի 16-ին գրել էր, որ Ալավերդու շուկայի տարածքում, բոլորի ներկայությամբ, «Մակարով» տեսակի ատրճանակից մի քանի կրակոցով 39-ամյա Կարեն Փիրուզյանին սպանել էր Վալերի (Վալոդիկ) Դավթյանը։ Իսկ այդ պատմությունն էլ ուներ նախադեպ…
Ըստ աղբյուրի` «Ալավերդի քաղաքում բացահայտ գործում է իրար թշնամի երկու հանցավոր խմբավորում (կարող ենք բանակ ասել)։ Մեկը ղեկավարում է քրեական հեղինակություն Տարոն Աբգարյանը, մյուսը՝ նրա հեռավոր ազգական ու թշնամի Վահագն Աբգարյանը։ Ի դեպ, Վահագն Աբգարյանը Ալավերդի քաղաքում շրջում է զրահապատ մեքենայով ու բազում թիկնապահներով։ 2015թ-ի սեպտեմբերի Ալավերդու քաղաքապետի ընտրություններն էին։ Հիմնական թեկնածուներ մարզպետ Նալբանդյանի մտերիմ Կարեն Փարեմուզյանն ու վերոհիշյալ հեղինակություն Տարոն Աբգարյանի եղբայրը՝ Արթուր Աբգարյանն էին։ Հաղթեց մարզպետի թեկնածուն։ Այն ժամանակ էլ Տարոնն ու Վահագնը իրար դեմ էին «աշխատում»։ Մեկ տարի առաջ կիսագողական ռազբորկաներից մեկի ժամանակ, Տարոն Աբգարյանի տղաներից Վարդան Փիրուզյանը «Մակարով» աստրճանակից սպանեց Վահագն Աբգարյանի երկու տղաների՝ Կոտայքի մարզի Առինջ գյուղի բնակիչ Էդվարդ Պողոսյանին ու ալավերդցի Վարդան Ավագյանին։
Մինչ օրս նա հետախուզման մեջ է։ Եվ ահա երկու օր առաջ Վահագնի խմբին հարող Վալերի՝ (Վալոդիկ) Դավթյանը այսպես վրեժ լուծեց»։
Նշենք, որ Վահագն Աբգարյանը տեղափոխվել է Երևանի ԲԿ-ներից մեկը, որտեղից քիչ անց Factor.am-ի նկարահանող խումբը կհաղորդի նոր մանրամասներ նրա առողջական վիճակի հետ կապված:
