17.11.2024 | 11:44
Եթե ՀՀ-ն չի ցանկանում մասնակցել COP29-ին, ուրեմն որոշակի խնդիրներ ունի «կանաչ օրակարգի» հետ․ Հաջիև
Հունական կղզուց բնակիչներին տարհանել են անտառային հրդեհների պատճառով
Քաղաքականություն
05.07.2019 | 14:04
Հունաստանում հրշեջները տարհանել են Էվբեա կղզու չորս բնակավայրերի բնակիչներին: Պատճառն անտառային հրդեհներն են: Ծխի հոտը զգացվում է նույնիսկ Աթենքում, որը պատահարի վայրից շուրջ 80 կմ է հեռու, գրում է ՌԻԱ Նովոստին:
Անտառային հրդեհը սկսվել է կղզու կենտրոնական հատվածում՝ Մանիկիա շրջանում: Կրակը մարելու համար դեպքի վայր 70 հրշեջ և 31 մեքենա է ուղարկվել, ինչպես նաև 5 օդանավ և 4 ուղղաթիռ:
Հրշեջ ծառայության ղեկավարը հրահանգել է անվտանգ վայր տարհանել Նեոխորա, Դաֆնա, Գավալա և Լոֆիսկոս բնակավայրերի բնակիչներին:
Հրշեջները տապի և ուժեղ քամու պատճառով հնարավոր հրդեհների մասին նախազգուշացրել են մի քանի օր առաջ: Հունաստանում ներկայում ջերմաստիճանը +40 է:
Հիշեցնենք, որ Էվբեայում անտառային հրդեհ էր բռնկվել նաև 2018 թվականի օգոստոսին: Նույն տարվա հուլիսից Հունաստանի մի քանի շրջաններում հրդեհները մեծ թվով զոհերի և տուժածների պատճառ դարձան:
