03.09.2026 | 19:45
Բիտումի ներմուծման ծավալն ու միջին արժեքը աճել են
Սերժ Սարգսյանի հետ շատ հաճախ հանդիպում եմ. Արա Բաբլոյան. ՏԵՍԱՆՅՈՒԹ
Քաղաքականություն
03.07.2019 | 19:00
ԱԺ նախկին նախագահ Արա Բաբլոյանը երրորդ նախագահ Սերժ Սարգսյանի հետ հաճախ է հանդիպում: Այս մասին Factor.am-ի հարցին ի պատասխան ասաց Արա Բաբլոյանը։
«Դժվարանում եմ ասել, թե վերջին հանդիպումը երբ է եղել, բայց Սերժ Սարգսյանի հետ հաճախ եմ հանդիպում»,- ասաց նա:
Մեր մյուս հարցին՝ շարունակո՞ւմ է մնալ ՀՀԿ անդամ, պատասխանեց. «Ես մնում եմ Արա Բաբլոյան և մնում եմ իմ տեսակետներին»:
Factor.am-ը պարոն Բաբլոյանից հետաքրքրվեց՝ մեկ տարի է անցել հեղափոխությունից, հիմա կարո՞ղ է ասել, թե ինչու հարյուր հազարավոր քաղաքացիներ մերժեցին իրենց, և արդյոք հետևություններ արել է, Բաբլոյանն ընդգծեց, որ պատասխան է տալիս իր կեցվածքի, պահվածքի համար, հետևություններ անելու կարիք չունի:
Լրագրողները խնդրեցին անդրադառնալ ԱԺ-ի և ԱԺ նախագահի աշխատանքին, սակայն նա միայն նկատեց. «Շատ չեմ հետևում, բայց ոնց որ թե վատ չեն աշխատում»:
Մանրամասները՝ տեսանյութում:
Նարեկ Կիրակոսյան
