28.11.2024 | 23:27
Վրաստանում ցուցարարները շարժվում են դեպի խորհրդարան
ՌԴ-ում ահաբեկչություն են կանխել. ԻՊ-ի անդամ է ոչնչացվել
Քաղաքականություն
26.06.2019 | 13:24
ՌԴ Անվտանգության դաշնային ծառայությունը Սարատովում մարդաշատ վայրում ծրագրվող ահաբեկչություն է կանխել: ԱԴԾ հասարակայնության հետ կապերի կենտրոնի փոխանցմամբ՝ ահաբեկչությունը ծրագրել է «Իսլամական պետության» անդամը, հաղորդում է ՌԻԱ Նովոստին:
Գերատեսչության տվյալներով՝ ՌԴ քաղաքացին ինքնաշեն ռումբեր ստեղծելու համար անհրաժեշտ բաղադրիչներ է ձեռք բերել և իր ավտոտնակում պայթուցիկ նյութերի սինթեզավորման լաբորատորիա ստեղծել: Դեպքի վայրում իրավապահները նաև հրազեն և զինամթերք են հայտնաբերել:
Նշվում է, որ տղամարդը հավատարմության երդում է տվել ահաբեկչական կազմակերպության պարագլուխներին և նրանց հրահանգով է գործել:
Ձերբակալության ընթացքում տղամարդը դիմադրություն է ցույց տվել, նրան ոչնչացրել են: Ուժայիններն ու քաղաքացիական բնակչությունը չի տուժել: Դեպքի առիթով քրեական գործ է հարուցվել:
