16.12.2025 | 15:36
Ճամբարակի համայնքապետին պատկանող ինքնակամ շինությունը պետք է քանդվի․ Դատախազությունը միջնորդագիր է ուղարկել
50 միլիոն դրամ՝ Տիգրան Մանսուրյանի ծննդյան 80-ամյակին նվիրված միջազգային փառատոնի համար. ՏԵՍԱՆՅՈՒԹ
Մշակույթ
20.06.2019 | 15:16
Տիգրան Մանսուրյանի ծննդյան 80-ամյակին նվիրված միջազգային փառատոնի կազմակերպման և անցկացման նպատակով Հայաստանի պետական սիմֆոնիկ նվագախմբին 2019թ. առաջին կիսամյակում 50 միլիոն դրամ հատկացվեց Կառավարության պահուստային ֆոնդից: Որոշումն ընդունվեց գործադիրի այսօրվա նիստի ժամանակ:
Նախագիծը ներկայացրեց ՀՀ կրթության, գիտության, մշակույթի և սպորտի նախարար Արայիկ Հարությունյանը՝ նշելով, որ սեպտեմբերի առաջին կեսին կայանալիք միջազգային փառատոնին մասնակցելու են այն մենակատարները և երաժիշտները, որոնք դրսում ներկայացնելու են Մանսուրյանի արվեստը, որին մասնակցելու է Հայաստանի պետական սիմֆոնիկ նվագախումբը: Նա տեղեկացրեց, որ համերգները տեղի են ունենալու Ստեփանակերտում, Երևանում և Գյումրիում։
«Արդեն կազմակերպչական աշխատանքները բավականին պատշաճ մակարդակով տարվում են: Կարծում եմ, որ մեր մշակութային այս տարվա կյանքի բաղկացուցիչ մասն է լինելու և երաժշտասեր քաղաքացիներն անպայման ակտիվ մասնակցություն կունենան»,- ասաց նա:
Մանրամասները՝ տեսանյութում:
Նարեկ Կիրակոսյան
