08.12.2025 | 20:45
Հաջորդ կանգառը՝ Մայր Աթո՞ռ․ ուր կհասնի իշխանություն-եկեղեցու վերնախավ դիմակայությունը․ ՏԵՍԱՆՅՈՒԹ
Օրենսդրությամբ սահմանված հարկերը պետք է վճարվեն. Վախթանգ Միրումյան
Տնտեսություն
11.09.2017 | 14:39
«Հանրային սննդի ոլորտում գործունեությունը պետք է տարբերվի ապրանքների առաքումից: Երբ menu.am-ի միջոցով տեղի է ունենում ապրանքների առաքում, օրենսդրությունը շատ հստակ սահմանում է՝ դա չի հարկվում քառակուսի մետրով, հարկվում է իրացումից հասույթով և որևէ տարանջատման խնդիր չկա»,- այս մասին խորհրդարանում լրագրողների հետ զրույցում ասաց ՀՀ ԿԱ ՊԵԿ նախագահի տեղակալ Վախթանգ Միրումյանը:
Հիշեցնենք՝ վերջերս Երևանում գործող մեծ ու փոքր բազում ռեստորանների, պանդոկների և հանրային սննդի այլ օբյեկտների սեփականատերեր պարզել էին, որ իրենց պատրաստած ուտեստները Menu.am-ի և սննդի առաքման այլ ծառայությունների միջոցով հաճախորդին հասցնելու դեպքում պետք է նաև ԱԱՀ կամ շրջանառության հարկ վճարեն՝ արտոնագրային վճարից բացի։
Հարցին՝ փաստորեն նախկինում այդ հարկը չի՞ վճարվել, Միրումյանը դժվարացավ պատասխանել: «Ես չեմ կարծում, որ մենք հարվածում ենք որևէ տնտեսվարողի շահին, դա մեր խնդիրն ու նպատակը չէ, մենք չպետք է մոռանանք պետության շահի մասին: Պետության շահն այն է, որ օրենսդրությամբ սահմանված հարկերը վճարվեն»,- շարունակեց Միրումյանը:
Մանրամասները՝ տեսանյութում:
Շողիկ Գալստյան
