25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
370 մլն դոլար է ներդրվել մեր հայրենիքի զարգացման համար․ Հայկակ Արշամյան. ՏԵՍԱՆՅՈՒԹ
Տնտեսություն
18.06.2019 | 11:40
«Գործունեության 27 տարում «Հայաստան» համահայկական հիմնադրամը շուրջ 370 միլիոն դոլարի գումար է ներդրել Հայաստանի ու Արցախի զարգացման համար։ Հիմնադրամը գործընկեր կառույցներ ունի 19 երկրներում՝ Կանադայից, ԱՄՆ-ից սկսած մինչև Մերձավոր Արևելք և Ավստրալիա»,- «Հայաստան» համահայկական հիմնադրամի տարեկան ժողովում հայտարարեց հիմնադրամի տնօրեն Հայկակ Արշամյանը։
Հիշեցնենք, պարոն Արշամյանը հիմնադրամի տնօրենի պաշտոնն ստանձնել է անցած տարվա հոկտեմբերից, երբ, նրա խոսքով, հիմնադրամը բավականին դժվար կացության մեջ էր, հատկապես վստահության և վարկանիշի առումով։
Ճգնաժամը հաջողվել է հաղթահարել Հայաստանի Հանրապետության և Արցախի նախագահների, հիմնադրամի աշխատակազմի ջանքերով։ Հայկակ Արշամյանն այսօր մեծ խնդիր է տեսնում սփյուռքի հետ աշխատանքներում:
«Մենք մեծ մարտահրավեր ունենք սփյուռքում աշխատելու, որովհետև սփյուռքի մեր հայրենակիցները կարիք ունեն բարևի, ուղղակի ուշադրության և մարդկային վերաբերմունքի։ Դա նաև հիմնադրամի քաղած դասերից մեկը պետք է լինի՝ ինչպես աշխատել և խոսել մարդկանց հետ։ Հարցը գումարը և դրամը չէ, հարցը համատեղ ներգրավվածությունն է հայրենիքի զարգացման գործում»,- նկատեց Արշամյանը:
Ռոբերտ Անանյան
