22.04.2025 | 19:00
Մկնդեղի բարձր պարունակություն՝ հողում և մարդկանց օրգանիզմում․ իրավիճակը՝ «Նահատակ» պոչամբարի շուրջ. ՏԵՍԱՆՅՈՒԹ
«Խնամի-ծանոթ-բարեկամ», երբ հին ու նոր Հայաստանում պաշտոնյաների բարեկամները խելացի են ու կրթված. ԵզրաԿԱՑՈՒԹՅՈՒՆ
Քաղաքականություն
17.06.2019 | 18:00
Նոր Հայաստանում «Խնամի-ծանոթ-բարեկամ» ինստիտուտի առաջին ծիլերն են նկատվում: Մի քանի օր առաջ Արարատի մարզպետ, ՔՊ-ական Գարիկ Սարգսյանը խորհրդարանում պատասխանելով Factor.am-ի հարցերին՝ մանրամասնել էր, թե ինչու է իր բարեկամներին պաշտոնների նշանակել:
«Մենք բոլորս ունենք կրթված բարեկամներ, հարազատներ, ընկերներ, ովքեր կարող են պաշտոններ զբաղեցնել թե՛ մեր ենթակայութան տակ գործող հիմնարկներում, թե՛ առհասարակ ՀՀ-ում: Նրանք իրենց տեղը պետք է գտնեն, աշխատանք պետք է ունենան»,- ասել էր Արարատի մարզպետ Գարիկ Սարգսյանը:
Հետհեղափոխական Հայաստանում ՔՊ-ական այս պաշտոնյայի պատասխանը ՀՀԿ-ական պաշտոնյաների պատասխանների ոճի մեջ էր: Տարիներ առաջ, երբ նույն հարցը լրագրողներն ուղղում էին ՀՀԿ-ական պաշտոնյաների, նրանք նույն պատասխանն էին տալիս, որ իրենց ազգականները կրթված են:
«Անկախ նրանից, թե ում որդին կամ բարեկամը կլինի, եթե այդ մարդու մեջ կան ունակություններ և հնարավորություններ, ուրեմն մարդիկ դատապարտված չեն, որ պաշտոնյայի զավակ են կամ հարազատ»,- 2015 թվականին ԱԺ-ում լրագրողների հետ զրույցում ասել էր ՀՀԿ խմբակցության ղեկավար Վահրամ Բաղդասարյանը:
Իսկ ահա ԱԺ փոխնախագահ Էդուարդ Շարմազանովը մեկ տարի անց՝ 2016 թվականին, ԱԺ ամբիոնից հայտարարել էր. «Բազմաթիվ պատգամավորների երեխաներ կարող ա տաղանդավոր երեխաներ են: Ասենք, այդ երեխաները կրակն են ընկե՞լ, որ պաշտոնյաների երեխաներ են»:
Հայաստանի նոր իշխանություններն ընդդիմադիր լինելու տարիներին միշտ քննադատում էին խնամի-ծանոթ-բարեկամների աշխատանքի տեղավորելու փաստը: Վարչապետ Նիկոլ Փաշինյանը բարեկամներին աշխատանքի տեղավորելու առիթով ասել էր. «Կա Քաղաքացիական ծառայության մասին օրենք, և մենք ամեն ինչ անելու ենք, որ ամեն մի իշխանություն չգա ու իր բաջանաղին չմտցնի պետական կառավարման համակարգ: Հիմա հարց՝ այս խոստումը կատարվե՞լ է, այո՛, լիարժեք 100 տոկոսով կատարվել է»:
Նարեկ Կիրակոսյան
Մանրամասները՝ տեսանյութում:
