18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Շարունակում եմ տալ նույն մեկնաբանությունը. Վահե Գրիգորյանը՝ Արմեն Սարգսյանի լեգիտիմ չլինելու մասին. ՏԵՍԱՆՅՈՒԹ
Քաղաքականություն
13.06.2019 | 14:21
«Ես քննադատել եմ Արմեն Սարգսյանի՝ 4-րդ նախագահի ընտրության գործընթացը: Սա պառլամենտական հանրապետություն է և պառլամենտում կա ընդդիմություն: Ընդդիմությունն օրենքի նախագծին դեմ է քվեարկում, օրենքն ընդունվում է, դուրս է գալիս փողոց, խախտում է օրենքը, որովհետև դե՞մ է քվեարկել: Ես հավակնում եմ լինել ՍԴ դատավոր: Դատարանի կողմից քննարկվելիք հարցերի մեջ լինելու են հարցեր, բնականաբար, որոնց վերաբերյալ ես փոքրամասնության մեջ եմ լինելու, այսինքն, հատուկ կարծիք եմ ներկայացնելու դրա վերաբերյալ: Ես հրապարակելու եմ հատուկ կարծիք, նշանակում է ես չե՞մ ճանաչելու մեծամասնության կայացրած դատական ակտի ուժը: ՀՀ նախագահը ՀՀ նախագահ է, թե՝ ոչ, որոշվում է ոչ թե փաստաբան Վահե Գրիգորյանի մեկնաբանություններով, որ ես ժամանակին տվել եմ և շարունակում եմ տալ, այլ բոլոր սահմանադրական մարմինների կոնսենսուսով: Եթե ՀՀ նախագահը ՀՀ նախագահ չլինի, էս պառլամենտն էլ չի լինի, էս պառլամենտն ընտրվել է նույն նախագահի հրամանագրով»,- Ազգային ժողովում լրագրողների հետ զրույցում ասաց ՍԴ անդամի թեկնածու, փաստաբան Վահե Գրիգորյանը՝ անդրադառնալով նախկինում արած իր այն պնդմանը, որ ՀՀ նախագահ Արմեն Սարգսյանը լեգիտիմ չէ։
Դիտարկմանը՝ հետևաբար, խորհրդարա՞նն էլ է համարվում ոչ լեգիտիմ, Վահե Գրիգորյանն արձագանքեց. «Ոչ: Ես համարում եմ, որ 4-րդ նախագահին պետք է ընտրեին քաղաքացիները, այդ ժամանակ ուժի մեջ էր 2005-ի Սահմանադրությունը»:
Մանրամասները՝ տեսանյութում։
Շողիկ Գալստյան
