18.12.2025 | 23:24
ՀՀ տարածքում ավտոճանապարհները հիմնականում անցանելի են
Արցախում պայքարը կարող է դուրս գալ փողոց ու չգիտենք՝ ինչ տհաճ անակնկալներ կարող է մատուցել․ Արա Պապյան․ ՏԵՍԱՆՅՈՒԹ
Քաղաքականություն
13.06.2019 | 14:49
«Մոդուս վիվենդի» կենտրոնի ղեկավար Արա Պապյանի համոզմամբ՝ Արցախում տեղի ունեցած կադրային փոփոխություններն ու պաշտոնանկությունները այդքան էլ կարևոր չեն, բայց ապագան կառուցելու համար նախ պետք է անցյալը մաքրել, ուստի եթե ցանկանում ենք Արցախում ունենալ ժողովրդավարություն, ապա չենք կարող առանց որոշ մարդկանց անցյալը հասկանալու, դրան հասնել։
«Արցախում նույնպիսի խնդիրներ կան, ինչպիսին Հայաստանում՝ ներառյալ Երևանում են եղել։ Հարցեր կան, որոնց պետք է պատասխաններ տան նախկին և ներկա գեներալները։ Եթե մենք ցանկանում ենք ժողովրդավարություն, ապա չենք կարող դրան հասնել՝ առանց այդ մարդկանց անցյալն իմանալու, իսկ ինչ վերաբերում է Արցախի անվտանգությանը, ապա դրա հիմնական առանցքը միասնական բանակն է, որն էլ իր առաջ դրած խնդիրն իրականացնում է»,- այսօր հրավիրված քննարկման ժամանակ ասաց Արա Պապյանը։
«Մոդուս վիվենդի» կենտրոնի ղեկավարի խոսքով ՝ հարց է առաջանում արդյոք ներկա վարչախմբի մնալու պարագայում մենք իսկապես կունենա՞նք ժողովրդավարական ընտրություններ Արցախում։ «Եթե, օրինակ, Սերժ Սարգսյանը մնար իշխանության, մենք արդյոք դեկտեմբերին կունենայի՞նք ժողովրդավարական ընտրություններ»,- հարցադրում հնչեցրեց Պապյանը։
Վերջինս նաև նշեց, որ անհրաժեշտ է նաև հասկանալ՝ արդյոք վտանգ կա, որ Արցախի նախագահական ընտրություններին ընդառաջ պայքարը դուրս կգա փողոց, որովհետև չգիտենք՝ թե այդ փողոցային պայքարն ինչ տհաճ անակնկալներ կարող է մատուցել։
Մանրամասները՝ տեսանյութում։
