23.05.2026 | 11:24
Անդրանիկ Թևանյանը ձերբակալվել է
ԱՄՆ-ի ներկայացուցիչների պալատն ընդունել է Թուրքիայի դեմ պատժամիջոցների օրինագիծը
Քաղաքականություն
11.06.2019 | 16:28
ԱՄՆ-ի կոնգրեսի ներկայացուցիչների պալատը քվեարկությամբ ընդունել է, Թուրքիայի դեմ պատժամիջոցներ սահմանող օրինագիծ։ Պատժամիջոցներին անցնելու պատճառը Թուրքիայի կողմից ռուսական S-400 զենիթահրթիռային ՀՕՊ համակարգերի գնման գործարքն է. փոխանցում է ermenihaber-ը:
«Մտահոգություններ ԱՄՆ-Թուրքիա դաշինքի վերաբերյալ» անվամբ օրինագիծն ընդունվել է միաձայն։ Դրանով ամերիկյան իշխանություններին առաջարկվում է CAATSA («Պատժամիջոցների միջոցով Ամերիկայի հակառակորդներին հակազդելու մասին») օրենքի շրջանակներում պատժամիջոցներ կիրառել Թուրքիայի դեմ, եթե Անկարան չհրաժարվի ռուսական ՀՕՊ համակարգերից։ Նույն օրինագծով առաջակվում է նաև վերանայել Թուրքիայի անդամակցությունը ՆԱՏՕ-ին:
Օրինագիծը կազմվել և ներկայացուցիչների պալատ է ներկայացվել հանրապետական և դեմոկրատական սենատորների կողմից:
Թուրքիայի արտգործնախարարությունը դատապարտել է այդ օրինագծի ընդունումը՝ դրան տալով «սպառնալիքների լեզու» որակումը։ Ըստ Թուրքիայի ԱԳՆ-ի՝ հիշյալ օրինագիծը հակասում է թուրք-ամերիկյան «բարեկամական հարաբերություններին»։
