16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Զելենսկին ԱՄՆ-ից նոր սպառազինություն է խնդրել ուկրաինական բանակի համար
Քաղաքականություն
06.06.2019 | 14:22
ԱՄՆ հանրապետական սենատոր Ռոբերտ Պորտմանը տեղեկացրել է, որ Ուկրաինայի նախագահ Վլադիմիր Զելենսկին նոր սպառազինություն է խնդրում Վաշինգտոնից: Նա ասել է, որ ուկրաինական բանակը սպառազինության նոր համակարգերի կարիք ունի, գրում է Gazeta-ն:
Աղբյուրի փոխանցմամբ՝ ամերիկացի սենատորը Կիևում հանդիպել է Զելենսկու հետ և իրենք «անկեղծորեն զրուցել են»:
Պորտմանի խոսքով՝ Վլադիմիր Զելենսկին ասել է, որ «ուկրաինական բանակը քաջ է, բայց նոր սպառազինության կարիք ունի»: Սենատորը նաև հավելել է, որ Ուկրաինայի նախագահի հետ խոսել են «արևելյան սահմանի երկայնքով ռուսական քարոզչության մասին»:
Ընդհանուր առմամբ, սենատորը տպավորված է Ուկրաինայի նախագահի հետ հանդիպումից, իսկ իրենց երկխոսությունն արդյունավետ է գնահատել:
