02.07.2026 | 09:06
ԱԺ տարածքային կառավարման, գյուղատնտեսության և ՇՄ պահպանության հարցերի հանձնաժողովի նիստը. ՈՒՂԻՂ
Անգամ մենք մեզ չենք կարող գաղտնալսել. ԱԱԾ տնօրենը՝ հայտնի գաղտնալսումից հետո կատարված աշխատանքի մասին. ՏԵՍԱՆՅՈՒԹ
Հասարակություն
05.06.2019 | 14:52
ԱԺ «Լուսավոր Հայաստան» խմբակցության պատգամավոր Մանե Թանդիլյանն այսօր ԱԺ-ում հարց հղեց ԱԱԾ տնօրեն Արթուր Վանեցյանին՝ արդյո՞ք գաղտնալսման վտանգը վերացված է, բացահայտվե՞լ են ՀՔԾ պետին, ԱԱԾ տնօրենին և վարչապետին գաղտնալսած ու ձայնագրությունները հրապարակած անձինք։
ԱԱԾ տնօրենը նշեց, որ այդ մասին շատ է խոսվել, գործի բացահայտման մասին մեկնաբանություններ տալուց, ասաց, զերծ կմնա, քանի որ դրանով զբաղվում է Քննչական կոմիտեն. «Ժամանակակից աշխարհում հեռախոսային խոսակցությունների 100 տոկոսանոց գաղտնիության ապահովումը գրեթե անհնար է: Մեզ բոլորիս հայտնի են տասնյակ ու հարյուրավոր դեպքեր, երբ գաղտնալսվել են շատ-շատ երկրների առաջնորդներ, քաղաքական գործիչներ, պետական պաշտոնյաներ և այլն, և այլն: Հավատացեք, որ հազարավոր դեպքերի մասին էլ չի բարձրաձայնվել»։
Ըստ Արթուր Վանեցյանի՝ հիմա մշակվել է մի հավելված, որը զերծ կպահի գաղտնալսումներից:
«Այն ամբողջությամբ հայկական արտադրանք է, սերվերը գտնվում է ԱԱԾ շենքում: Շատ մասնագետներ արդեն պնդում են, որ անհնար է այդ ծրագիրը շրջանցել և գաղտնալսում իրականացնել։ Նույնիսկ եթե մենք ուզենանք գաղտնալսել մեզ, չենք կարող»,- նշեց ԱԱԾ ղեկավարը:
Վանեցյանը հավելեց, որ այդ հավելվածի աշխատանքային անունն ԱԱԾ է:
Մանրամասները՝ տեսանյութում։
