Քաղաքականություն
05.06.2019 | 14:16
Ամերիկյան Forbes ամսագիրը հրապարակել է ամերիկացի ամենահարուստ կանանց վարկանիշային աղյուսակը, որոնք ինքնուրույն են հասել ֆինանսական հաջողությունների: 80 անուն ընդգրկող ցուցակում երկու հայուհի կա: Այս մասին տեղեկանում ենք ամսագրի կայքից:
Ազգությամբ հայ ամերիկացի դիզայներ, բարերար և գործարար, 53-ամյա Քերոլայն Ռաֆայելյանը 42-րդ հորիզոնականում է։ Նա զարդերի ու աքսեսուարների արտադրութամբ զբաղվող «Ալեքս և Անի» ընկերության հիմնադիրն է, ինչպես նաև «Belcourt of Newport & Carolyn’s Sakonnet Vineyard» ընկերության սեփականատերը: Քերոլայն Ռաֆայելյանի կորողությունը 520 մլն դոլար է գնահատվում։
Ցուցակի 57-րդ տեղում ռեալիթի շոուների հայտնի աստղ Քիմ Քարդաշյանն է, որի կարողությունը 370 միլիոն դոլար է գնահատվում:
Վարկանիշային աղյուսակի առաջին հորիզոնականում «American Builders & Contractors Supply Co» ընկերության հիմնադիր Դայան Հենդրիքսն է՝ 7 մլրդ դոլար կարողությամբ:
Ցուցակը եզրափակում է թենիսիստուհի Սերենա Ուիլյամսը՝ 225 միլիոն դոլարով:
Նելլի Մելքոնյան
