03.04.2026 | 23:13
NASA-ն հրապարակել է Երկրի նոր լուսանկարը
Արեգ Կյուրեղյանի նկատմամբ դատարանը նախազգուշական սանկցիա կիրառեց
Հասարակություն
05.06.2019 | 13:31
«Սասնա ծռեր» խմբի տասը անդամի գործով վկաների հարցաքննության ընթացքում միջադեպ ծագեց դատավոր Մեսրոպ Մակյանի և ամբաստանյալ Արեգ Կյուրեղյանի միջև:
Վկայի հարցաքննության ժամանակ Արեգ Կյուրեղյանը դիմելով ոստիկան Համլետ Ղուկասյանին, հարցրեց, թե նա արդյոք տեղյակ է՝ 2008-ի մարտի 1-ի գործով Ոստիկանության զորքերի հրամանատարի տեղակալ Գեղամ Պետրոսյանը, որ ձերբակալվել է 10 զոհերից մեկի՝ Զաքար Հովհաննիսյանի սպանության կասկածանքով, երբևէ նա դրսևորե՞լ է ագրեսիվ վարք:
Մինչ վկան կպատասխաներ, դատավոր Մեսրոպ Մակյանը հարցը հանեց, ասաց` գործի հետ առնչություն չունի: Կյուրեղյանի ու դատավորի միջև վիճաբանություն սկսվեց, դատավորը նախազգուշական սանկցիա կիրառեց Կյուրեղյանի նկատմամբ, ասելով, որ հաջորդ անգամ կհեռացնի դատարանից:
Լիլիթ Շաբոյան
