08.11.2026 | 20:08
Վայքի և Սիսիանի տարածաշրջաններում ձյուն է տեղում
Ստեղծում ենք հակակոռուպցիոն դատարան. Նիկոլ Փաշինյանը՝ դատական համակարգում բարեփոխումների մասին. ՏԵՍԱՆՅՈՒԹ
Հասարակություն
05.06.2019 | 12:05
Մենք դատավորների աշխատավարձը բարձրացնելու հնարավորություն ունենք։ Այս մասին այսօր խորհրդարանում լրագրողների հետ ճեպազրույցում ասաց ՀՀ վարչապետ Նիկոլ Փաշինյանը՝ մտավախություն հայտնելով, որ հանրությունն իրենց չի հասկանա։
«Մեզ կասեն՝ սոցիալական խնդիրները լուծելու փոխարեն դատավորների աշխատավարձն եք բարձրացնում»,- նշեց վարչապետը՝ միևնույն ժամանակ նկատելով, որ լուրջ մասնագետը չի ցանկանա 400 հազար դրամով դատավոր աշխատել։
Դիտարկմանը՝ ինչ երաշխիք ունեն, որ 800 հազար դրամ աշխատավարձ ստանալու դեպքում ևս դատավորները կաշառք չեն վերցնի, վարչապետն ասաց՝ հարցի լուծման համար շփումների մեջ են միջազգային գործընկերների հետ։ «Մենք իրենց ասում ենք՝ ժողովուրդ, մենք հիմա չենք կարող դատավորների աշխատավարձն էականորեն բարձրացնել։ Եթե իրենք մեզ աջակցեն, երեք տարվա կտրվածքով, օրինակ, ստեղծենք հակակոռուպցիոն դատարան, ինչ-որ ձև գտնենք բարձր աշխատավարձերով լուրջ մասնագետներ ներգրավելու, որից հետո իշխանությունը, հանրությունը, ընդդիմությունը տեսնեն՝ լավ դատական համակարգը լավ է, դրանից հետո մեր ժողովրդին կհամոզենք՝ բյուջեից աշխատավարձեր բարձրացնելու»,- նշեց Նիկոլ Փաշինյանը։
Մանրամասները՝ տեսանյութում:
Շողիկ Գալստյան
