02.07.2026 | 10:25
Ուրսուլա ֆոն դեր Լայենը ժամանեց Երևան
Ո՞րն է գաղտնիքը. եղել եք Քոչարյանի, Սերժ Սարգսյանի մտերիմ մարդը, հիմա էլ Փաշինյանի մտերի՞մն եք․ պատգամավորը՝ ԿԲ նախագահին․ ՏԵՍԱՆՅՈՒԹ
Տնտեսություն
03.06.2019 | 17:57
Ազգային ժողովի «Լուսավոր Հայաստան» խմբակցության պատգամավոր Կարեն Սիմոնյանը Կենտրոնական բանկի նախագահ Արթուր Ջավադյանից հետաքրքրվեց՝ ո՞րն է այդ պաշտոնում նրա երկարակեցության պատճառը։
«Դուք նշանակվել եք այդ պաշտոնում Ռոբերտ Քոչարյանի ժամանակ, համարվել եք Ռոբերտ Քոչարյանի մտերիմ մարդը, հետագայում վերանշանակվել եք Սերժ Սարգսյանի ժամանակ և համարվել եք նաև նրա մտերիմ մարդը։ Հիմա հեղափոխությունից հետ շարունակում եք պաշտոնավարել և չեք պատրաստվում հրաժարական տալ: Ինձ մոտ հարց է առաջանում՝ արդյոք Դուք այժմ էլ Նիկոլ Փաշինյանի՞ մտերիմ մարդն եք և այդ ի՞նչ սկզբունքի և արժանիքների վրա հիմնվելով եք կարողանում երկրի ղեկավարների հետ մտերիմ հարաբերություններ ունենալ»,- հարցրեց ընդդիմադիր պատգամավորը:
Ի պատասխան պատգամավորի հարցին՝ Կենտրոնական բանկի նախագահը հիշեցրեց, որ եթե մի փոքր էլ ետ գնան՝ կտեսնեն, որ ինքը ԿԲ խորհրդի անդամ եղել է դեռևս Լևոն Տեր-Պետրոսյանի իշխանության տարիներին։
ԿԲ նախագահը նշեց, որ այս պաշտոնում իր երկարակեցությունը կապված է ԿԲ պրոֆեսիոնալ թիմի հետ, և միակ գրավականը դա է։
«Իսկ ինչ վերաբերում է լավ լինելուն, ապա ասեմ, որ ես բոլորի հետ էլ լավ եմ, իսկ ԿԲ-ն էլ գործող Սահմանադրությամբ անկախ մարմին է, մենք հաշվետու ենք հասարակությանը»,- ասաց նա։
Մանրամասները՝ տեսանյութում։
