02.04.2026 | 14:45
Դավիթ Ղազինյանի և Արամ Օրբելյանի ասուլիսը ՀԷՑ-ի շուրջ իրավական գործընթացների վերաբերյալ. ՈՒՂԻՂ
ԱՄՆ նախագահին Մեծ Բրիտանիայում բողոքի ցույցերով կդիմավորեն
Քաղաքականություն
03.06.2019 | 12:15
Բրիտանացիները պատրաստվում են ԱՄՆ նախագահ Դոնալդ Թրամփին դիմավորել բողոքի զանգվածային ցույցերով: Այս մասին տեղեկանում ենք TVC.ru-ից:
Թրամփի պետական այցը Բրիտանիա մեկնարկում է այսօր: ԱՄՆ նախագահին ու առաջին տիկնոջը Լոնդոնում ընդունելու է Եղիսաբեթ 2-րդ թագուհին: Նշենք, որ սա Թրամփի երկրորդ այցելությունն է Մեծ Բրիտանիա:
Աղբյուրի փոխանցմամբ՝ բողոքի ակցիային, նախնական տվյալներով, մինչև 250 հազար մարդ է մասնակցելու: Թրամփի այցն առանձնապես չի ուրախացրել նաև որոշ քաղաքական գործիչների, որոնք հրաժարվել են նրա հետ հանդիպում ունենալ։ Նրանց թվում է Համայնքների պալատի խոսնակ Ջերեմի Քորբինը, որն ԱՄՆ ղեկավարին ռասիստ էր անվանել:
Ինչպես նախորդ տարի, այս տարի ևս բողոքի ցույցերն անցկացվելու են ներգաղթի ու կլիմայական փոփոխությունների հարցերում Դոնալդ Թրամփի որդեգրած քաղաքականության դեմ: Անցյալ տարի Թրամփի դեմ ցույցերին ավելի քան 100 հազար մարդ էր մասնակցել:
Մեծ Բրիտանիայից հետո, եվրոպական շրջագայության ընթացքում, ԱՄՆ նախագահը նախատեսում է լինել նաև Իռլանդիայում և Ֆրանսիայում:
Նելլի Մելքոնյան
