Քաղաքականություն
02.06.2019 | 19:09
ԱՄՆ-ի նախագահին ու առաջին տիկնոջը Լոնդոնում հունիսի 3-ին ընդունելու է Անգլիայի Եղիսաբեթ Երկրորդ թագուհին. գրում է VOA-ն:
Պետական այս այցի ժամանակ նախատեսված են մեծ հանդիսություններ: Հիշեցնենք, որ հրավերը Թրամփին ներկայացվել էր ԱՄՆ-ի նախագահի պաշտոնը ստանձնելուց ի վեր, սակայն հետաձգվել էր մի քանի անգամ, այդ թվում անվտանգության հետ կապված հարցերի պատճառով:
Ինչպես վերլուծաբան Չարըլզ Քուփչանն է ասում՝ «Բացի այդ, Դոնալդ Թրամփի հետ կապված հակասական մի շարք խնդիրներ կան»:
75 տարի առաջ այս օրերին էր, որ Դաշնակից ուժերի 150 հազար թվակազմով ուժերը գերմանական զորքերին դուրս մղեցին Ֆրանսիայից: Այս տարեդարձին նվիրված միջոցառումներին Թրամփը մասնակցելու է Անգլիայի Փորթսմութ քաղաքում եւ Ֆրանսիայի Նորմանդիայի շրջանում:
Նախագահը Բուքինգեմյան պալատում մասնակցելու է պետական ճաշկերույթին եւ հանդիպում է ունենալու Մեծ Բրիտանիայի վարչապետ Թերեզա Մեյի հետ: Վերջինս դրանից երկու օր անց թողնում է պաշտոնը, քանի որ նրան չհաջողվեց Եվրոպական միությունից իր երկիրը դուրս բերելու հարցում հասնել համաձայնության:
Վերլուծաբան Ջեյքըբ Պարակիլասի խոսքերով, Թրամփը գովեստի մեծ խոսքեր կասի իր հրապարակային հայտարարության մեջ: «Սակայն չեմ կարծում, որ այդ հարաբերություններում կա խորություն: Չեմ կարծում, որ նրանց միջեւ կա ներանձնական որեւէ ամուր կապ»,- ասում է նա:
Մինչեւ հայրենիք վերադառնալը Թրամփն այստեղ հանդիպումներ կունենա Բորիս Ջոնսոնի եւ Նայջըլ Ֆարաջի հետ: իշեցնենք, որ երկու այս գործիչներն են Մեյից հետո Մեծ Բրիտանիայի վարչապետի ամենահավանական թեկնածուները:
Չնայած Մեյի հեռանալու հանգամանքին, Թրամփի հետ նա քննարկելու է երկու երկրների համար կարեւր համարվոր մի շարք, այդ թվում առեւտրին, Իրանի ու Չինաստանի նկատմամբ որդեգրվելից քաղաքականությանն առնչվոր հարցեր:
Սպասվում է, որ Թրամփի այցի ժամանակ Մեծ Բրիտանիայում այս տարի եւս անցկացվեն բողոքի ցույցեր ընդդեմ ներգաղթի ու կլիմայական փոփոխությունների հարցերում նրա որդեգրած քաղաքականության: Անցյալ տարի նրա այցի ժամանակ այստեղ ցույցերին մասնակցում էր ավելի քան 100 հազար մարդ:
