18.05.2026 | 20:25
Աշխարհում մահապատիժների թիվը հասել է 1981թ. ի վեր ամենաբարձր մակարդակին. Իրանն առաջատարն է. Amnesty International
«Աշխարհի որ կետում էլ լինի՞, օրենքի շատ աբսուրդային մեկնաբանություն է». Միրզոյանը՝ հարցուպատասխանին վարչապետի ԱԺ-ում լինելու՝ Փաշինյանի նախկին հայտարարության մասին. ՏԵՍԱՆՅՈՒԹ
Քաղաքականություն
29.05.2019 | 16:57
ԱԺ-ում Factor.am-ը խորհրդարանի նախագահից հետաքրքրվեց, որ եթե վարչապետը չի մասնակցում խորհրդարանում Կառավարության հետ հարցուպատասխանին, սա օրենքի խախտո՞ւմ է: ԱԺ նախագահը նշեց, որ վարչապետը երկրում չէ, հետևաբար դա չի կարող օրենքի խախտում լինել: Հիշեցնենք, որ ՀՀ վարչապետն աշխատանքային այցով Ղազախստանում է:
Լրագրողների դիտարկմանը, որ նախկինում Նիկոլ Փաշինյանը քննադատել էր Կարեն Կարապետյանի բացակայությունը, Արարատ Միրզոյանն ասաց. «Օրենքը կարդացեք, եթե Կառավարության անդամը, այդ թվում՝ վարչապետը երկրում չի, ապա նա չի կարող այստեղ լինել»:
Արարատ Միրզոյանին լրագրողները հիշեցրին Նիկոլ Փաշինյանի՝ 2017 թվականի հոկտեմբերի 10-ին Ազգային ժողովում արած հայտարարությունը. «ՀՀ Սահմանադրության 1-ին հոդվածը, որով ասվում է, որ Հայաստանի Հանրապետությունն իրավական պետություն է, իսկ Սահմանադրության 80-րդ հոդվածն արձանագրել է, որ եթե որևէ մեկը ՀՀ վարչապետ է, այս օրը, այս ժամին երկրագնդի վրա որևէ այլ վայրում գտնվել չի կարող»:
Ի պատասխան՝ Արարատ Միրզոյանն ասաց. «Աշխարհի որ կետում էլ լինի՞: Օրենքի շատ աբսուրդային մեկնաբանություն է: Ես չեմ հիշում կոնկրետ կոնտեքստն ու դրվագը»:
Մանրամասները՝ տեսանյութում:
Նարեկ Կիրակոսյան
