02.07.2026 | 10:25
Ուրսուլա ֆոն դեր Լայենը ժամանեց Երևան
Նիկոլ Փաշինյանը Սարդարապատում մասնակցում է Հանրապետության օրվա միջոցառմանը. ՈՒՂԻՂ
Տեսանյութեր
28.05.2019 | 09:51
Հայաստանի Հանրապետությունն այսօր նշում է Առաջին Հանրապետության հռչակման 101-րդ տարեդարձը:
1918թ.-ի մայիսի 28-ին Հայոց ազգային խորհուրդը հայտարարեց անկախ Հայաստանի Հանրապետության ստեղծման մասին:
Սարդարապատում հաղթելով թուրքական բանակին՝ հայկական զորքերը կարողացան կասեցնել թուրքական ներխուժումն Անդրկովկաս և փրկել Հայաստանը լիակատար ոչնչացումից:
1918 թվականի մայիսի 28-ին Թիֆլիսում՝ Անդրկովկասյան ժողովրդավարական դաշնային հանրապետության փլուզումից հետո «Հայկական ազգային խորհրդի» կողմից հռչակվեց Հայկական հանրապետությունը: Հայաստանի Առաջին Հանրապետությունը գոյատևեց ընդամենը 2 տարի՝ մինչև 1920 թվականի դեկտեմբերի 2-ը, երբ Հայաստանը խորհրդայնացավ։
Հանրապետության օրը պաշտոնապես նշվում է 1992 թվականից: Այն հայոց պետականության վերածննդի խորհրդանիշն է։ Այս օրն ավանդաբար Սարդարապատ են այցելում Հայաստանի բարձրաստիճան պաշտոնյաներ, քաղաքական ուժերի ներկայացուցիչներ և այլք։
Այս, ինչպես և նախորդ տարի, Սարդարապատ է այցելել ՀՀ վարչապետ Նիկոլ Փաշինյանը՝ մասնակցելու Հանրապետության օրվան նվիրված միջոցառմանը:
