08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ես չեմ կարող ասել՝ կգտնվեն, թե չեն գտնվի. Արթուր Վանեցյանը՝ ԱԱԾ-ից անհետացած փաստաթղթերի մասին. ՏԵՍԱՆՅՈՒԹ
Հասարակություն
24.05.2019 | 12:47
Ակտիվ քննություն է իրականացվում: Ազգային ժողովում Factor.am-ի հարցին ի պատասխան անդրադառնալով ԱԱԾ-ից անհետացած փաստաթղթերի քննության գործին՝ ասաց ԱԱԾ տնօրեն Արթուր Վանեցյանը:
«Մեծ ծավալի աշխատանք է, որը կարվի»,- հավելեց նա:
Արթուր Վանեցյանն ասաց նաև, որ չի կարող ասել՝ արդյո՞ք այդ փաստաթղթերը կապ ունեն գործող և նախկին բարձրաստիճան պաշտոնյաների հետ. «Ես ո՞նց կարող եմ դա երաշխավորել, եթե անհետացած փաստաթղթեր են: Պետք է վերականգնվի, վերականգնվելուց հետո նոր գնահատականներ կտրվեն»:
Դիտարկմանը, որ այդ փաստաթղթերն արդեն մեկ տարի է՝ չկան, ինչո՞ւ քայլեր չէին ձեռնարկվում, որ ավելի շուտ հայտնաբերվեին, Վանեցյանն արձագանքեց. «Ի՞նչ գիտեք, որ քայլեր չեն ձեռնարկվել: Այդ մասին հայտարարություն պետք չէր տարածել»:
Factor.am-ի հարցին՝ մո՞տ է ժամանակը, որ այդ փաստաթղթերը կգտնվեն, ԱԱԾ տնօրենն ասաց. «Ես չեմ կարող ասել՝ թղթերը կգտնվեն, թե չեն գտնվի: Բայց որ կլինի լիարժեք քննություն, որը չի թողնի ոչ մի հարց անպատասխան, ես դա երաշխավորում եմ»: Արթուր Վանեցյանը, սակայն, հրաժարվեց մեկնաբանել հարցը՝ արդյո՞ք ԱԱԾ նախկին ղեկավար կազմը հարցաքննվել է այս գործի շրջանակում:
Մանրամասները՝ տեսանյութում:
Նարեկ Կիրակոսյան
