02.07.2026 | 15:30
Ես Ալեն Սիմոնյանն եմ ոչ պաշտոնի բերումով. ԱԺ նախագահի պաշտոնը չէ, որ ինձ հետաքրքիր է դարձրել․ ՏԵՍԱՆՅՈՒԹ
Պարո՛ն Վանեցյան, կկազմակերպեք դա․ Փաշինյանի հանձնարարականը՝ ԱԱԾ տնօրենին․ ՏԵՍԱՆՅՈՒԹ
Քաղաքականություն
23.05.2019 | 12:31
Հայաստանի ֆուտբոլի ֆեդերացիայի նախագահ Արթուր Վանեցյանն այսօր՝ մայիսի 23-ին, կառավարության նիստում մարզադաշտ կառուցելու խնդրանքով դիմեց գործադիրին։
Ըստ Արթուր Վանեցյանի՝ Հայաստանն այսօր խնդիր ունի․ՈՒԵՖԱ-ն կարող է որակազրկել մեր ունեցած մարզադաշտը, որովհետև այն չի համապատասխանում միջազգային պահանջներին:
Նրա խոսքով՝ ժամանակակից մարզադաշտը, որ հիմա կառուցում են, նախատեսում է նաև մեծ կանաչապատ գոտի. «Այսինքն, մարզադաշտի շուրջը այգի է տնկվում: Մարզադաշտը գրավելու է 5-6 հեկտար տարածք, իսկ շուրջը 10-15 հեկտար այգի պետք է լինի, ժամանցի վայր նաև»:
Վարչապետ Փաշինյանը նշեց, որ կա գաղափար, որ մարզադաշտը կառուցվի Հյուսիս-հարավին հարակից որևէ տեղում, և դա լավ գաղափար է:
Քննարկմանը միացավ նաև Քաղաքաշինության կոմիտեի նախագահ Վահագն Վերմիշյանը և նշեց, որ ճիշտ կլինի, որ օլիմպիական նորմատիվներով կառուցվի մարզադաշտը, որը թույլ կտա Հայաստանում օլիմպիադա կազմակերպելու հարց բարձրացնել:
«Ես դեմ չեմ, պարոն Վանեցյանի հետ կազմակերպեք, ես միայն ուրախ կլինեմ։ Պարո՛ն Վանեցյան, կկազմակերպեք դա»,- ասաց Փաշինյանը:
Մանրամասները՝ տեսանյութում։
