02.04.2026 | 23:17
Պարսից ծոցի երկրները քննարկում են խողովակաշարերի կառուցման հարցը՝ Հորմուզի նեղուցով նավթ չմատակարարելու համար. FT
Այն, ինչ նախապատրաստվում է վաղը, առնվազն անթույլատրելի է. փաստաբան
Քաղաքականություն
19.05.2019 | 22:47
Վարչապետ Նիկոլ Փաշինյանի կոչին՝ վաղը դատարանները արգելափակելու վերաբերյալ, արձագանքել է փաստաբան Էրիկ Ալեքսանյանը: Նա կոչ է արել բոլոր փաստաբաններին միանալ և դեմ հանդես գալ վարչապետի այդ նախաձեռնությանը:
Փաստաբանի խոսքով՝ վաղվա հավաքը, դատարանների աշխատանքը խոչընդոտելը անթույլատրելի քայլ է. “Կարծում եմ, որ բոլոր փաստաբանները պետք է շատ արագ արձագանքեն այս խառը իրավիճակին և միանան այն գաղափարին, որ այն, ինչ նախապատրաստվում է իրականացվել վաղը, առնվազն անթույլատրելի է: Հիշեցնեմ` փաստաբանի հիմնական առաքելությունը դա իր վստահորդի օրինական շահերի խախտման հնարավոր վտանգները խափանելն է: Իսկ վաղվա նախապատրաստվող միջոցառումները մեր վստահորդների իրավունքների խախտման ամենավառ օրինակն է լինելու”:
Հիշեցնենք, որ վարչապետը կոչ է արել առավոտյան 8.30-ից արգելափակել բոլոր դատարանների մուտքերը և թույլ չտալ որևէ մեկին ներսուդուս անել:
Լիլիթ Շաբոյան
