13.09.2026 | 18:14
Բյուրականի աստղադիտարանում աշխատանքը կսկսի «Մեր անկայուն տիեզերքը» միջազգային սիմպոզիումը
Հայաստանը ոչ թե վերջին պահին է հրաժարվել, այլ ի սկզբանե չի հաստատել մասնակցությունը Վրաստանում ՆԱՏՕ-ի զորավարժություններին․ ՀՀ ՊՆ
Քաղաքականություն
04.09.2017 | 13:18
Հայաստանի պաշտպանության նախարարությունը հակադարձում է Վրաստանի պաշտպանական գերատեսչության հայտարարությանն այն մասին, որ ի սկզբանե Հայաստանը հայտարարել է Վրաստանում սպտեմբերի 3-ին մեկնարկող ՆԱՏՕ-ի «Agile Spirit 2017» զորավարժություններին մասնակցության մասին, ապա վերջին պահին հրաժարվել:
«Մենք երբեք, ոչ մի փուլում չենք հաստատել մեր մասնակցությունը»,- Factor.am-ի հետ զրույցում ասաց ՊՆ մամուլի քարտուղար Արծրուն Հովհաննիսյանը։
Մեր հարցին, թե որն է պատճառը, որ ՀՀ ՊՆ-ն հրաժարվել է այդ զորավարժությունների մասնակցությունից, Հովհաննիսյանը պատասխանեց․ «Այդ ձևաչափի ոչ բոլոր զորավարժություններին է, որ մենք մասնակցում ենք»։
Տեղեկացնենք, որ զորավարժությունները շարունակվելու են մինչև սեպտեմբերի 11-ը, դրանց մասնակցում են Ամերիկայի Միացյալ Նահանգների ծովային հետևակի, ինչպես նաև Վրաստանի, Ադրբեջանի, Բուլղարիայի, Ռումինիայի, Լատվիայի և Ուկրաինայի բանակային ստորաբաժանումները:
Զորավարժություններին պետք է մասնակցեր նաև Հայաստանից երեք ռազմական բժիշկ։Սեդա Ղուկասյան
