02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Երևանը հույս ունի մինչև տարեվերջ լուծել գազի սակագնի հարցը. Նիկոլ Փաշինյան
Տնտեսություն
17.05.2019 | 17:19
Հայաստանը հույս ունի մինչև այս տարեվերջ «Գազպրոմ»-ի հետ համաձայնության հասնել գազի սակագնի նվազեցման հարցում: ՏԱՍՍ-ի փոխանցմամբ՝ այս մասին ՀՀ վարչապետ Նիկոլ Փաշինյանն ասել է Երևանում ռուսաստանցի լրագրողների հետ հանդիպման ժամանակ:
«Վստահ եմ, որ հնարավոր է (նվազեցնել գազի գինը): Խնդիրը միայն առանձին գազի սակագնին չի վերաբերում, այդ հարցը վերաբերում է ԵՏՄ-ի արդյունավետությանը: Մենք, ըստ էության, արդեն համաձայնություն ունենք, որ միասնական էներգետիկ շուկա է ստեղծվելու, մեր առաջարկները համապատասխանում այդ բանակցությունների տրամաբանությանը: Գազի և էներգառեսուրսների ոչ խտրական գները շատ կարևոր են ԵՏՄ-ի արդյունավետության համար»,- ասել է Նիկոլ Փաշինյանը՝ հավելելով, որ կցանկանար այդ հարցը մինչև տարեվերջ լուծել:
Նշենք, որ 2019 թվականի հունվարի 1-ից «Գազպրոմ»-ը բարձրացրել է Հայաստանի համար գազի սակագինը՝ 1.000 խորանարդ մետրի դիմաց 150 դոլարից հասցնելով 165 դոլարի:
