08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Ինչո՞ւ չեք կարգավորել, եթե էդքան հեշտ լուծվող խնդիր է. Նիկոլ Փաշինյան. ՏԵՍԱՆՅՈՒԹ
Քաղաքականություն
10.05.2019 | 14:14
ՀՀ Կառավարությունն այսօր հավանության արժանացրեց «Ինտեգրված կադաստրի ստեղծման հայեցակարգը և հայեցակարգից բխող միջոցառումների ծրագրերը հաստատելու մասին» նախագիծը։
Ըստ հիմնական զեկուցող, Անշարժ գույքի կադաստրի կոմիտեի ղեկավար Սահրատ Պետրոսյանի՝ ՀՀ-ում բնական և տնտեսական ռեսուրսների արդյունավետ կառավարման համար անհրաժեշտ է ունենալ հավաստի, չկրկնվող և ամբողջական տեղեկատվություն Հայաստանի Հանրապետության, նրա առանձին վարչատարածքային միավորների տնտեսության վիճակի և բնական ռեսուրսների մասին, այդ թվում՝ հողային, ջրային, անտառային ռեսուրսների, բնության հատուկ պահպանվող տարածքների, օգտակար հանածոների, տնտեսական զարգացման, արդյունաբերական ու գյուղատնտեսական ոլորտի, բնակչության տեղաբաշխման, անշարժ գույքի որակական, քանակական տվյալների, սեփականության սուբյեկտների, ճանապարհային ցանցի և ենթակառուցվածքների այլ տարրերի ու էկոլոգիական վիճակի մասին:
Նախագծի վերաբերյալ առարկություն հայտնեց Քաղաքաշինության պետական կոմիտեի նոր ղեկավար Վահագն Վերմիշյանը, սակայն Սահրատ Պետրոսյանի ներկայացրած նախագիծը պաշտպանեց փոխվարչապետ Տիգրան Ավինյանը՝ շարունակելով պնդել, որ հասցեների համակարգ ունենալն անհրաժեշտություն է։
Վարչապետ Նիկոլ Փաշինյանն առաջարկեց նախագիծը հավանության արժանացնել, իսկ Վահագն Վերմիշյանին հորդորեց բոլոր առաջարկները գրավոր ներկայացնել։
Մանրամասները՝ տեսանյութում։
Շողիկ Գալստյան
