16.12.2025 | 15:22
Եվրոպայի առաջնորդները խոստանում են բազմազգ ուժեր ստեղծել Ուկրաինայի համար
Արցախից պաշտոնապես չեն աջակցում Ռոբերտ Քոչարյանին. Ալեն Սիմոնյան. ՏԵՍԱՆՅՈՒԹ
Քաղաքականություն
09.05.2019 | 10:05
Ազգային ժողովի փոխնախագահ Ալեն Սիմոնյանն ուրախ է, որ Ռոբերտ Քոչարյանը փորձում է իր շուրջ համախմբել ընդդիմությանը, սակայն հավատացնում է՝ ոչինչ չի ստացվի։
«Չեմ կարծում, որ դա կստացվի, որովհետև շատ լավ գիտենք Քոչարյանի վարկանիշի և մարդկանց վերաբերմունքի մասին»,- այսօր «Հաղթանակ» զբոսայգում լրագրողների հետ զրույցում, անդրադառնալով Ռոբերտ Քոչարյանի՝ երեկ տված հարցազրույցին, որով հայտնել էր, որ ՀՀ-ում ընդդիմադիր բևեռ է ձևավորվում, ասաց ԱԺ փոխնախագահ Ալեն Սիմոնյանը։
Սիմոնյանը լրագրողներին խորհուրդ տվեց Ռոբերտ Քոչարյանի և Սերժ Սարգսյանի մասին խոսելիս նրանց նախագահներ չանվանել. «Որովհետև նրանք ընտրված նախագահներ չեն եղել, եղել են մարդիկ, որոնք պարզապես զբաղեցրել են այդ պաշտոնը»
ԱԺ փոխնախագահը նշեց, որ ինքը պաշտոնապես չի աջակցում Քոչարյանին, իսկ իրենց ավելի լուրջ մրցակից համարում է գործող ընդդիմությանը։ «Իսկ այդ նախկին բեկորները, որոնք միավորվում են և փորձում փրկել իրենց, ինձ չեն հետաքրքրում»,- նկատեց Սիմոնյանը։
Դիտարկմանը, որ Քոչարյանին աջակցություն է հայտնել Արցախի իշխանությունը, Ալեն Սիմոնյանը հակադարձեց․«Չեմ կարծում, որ Արցախի իշխանությունը պաշտոնապես աջակցել է նրան, դա իշխանության մեջ եղած անհատների աջակցություն է»։
Մանրամասները՝ տեսանյութում։
