18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Եթե քաղաքացին ինձ չի պաշտպանելու, ես ինչի՞ պիտի պաշտպանվեմ, որ վարչապետի աթոռը պահե՞մ․ Փաշինյան. ՏԵՍԱՆՅՈՒԹ
Քաղաքականություն
08.05.2019 | 12:09
Բացարձակ չեմ ցանկանում պաշտպանվել քննադատություններից, ժողովրդավարության ամենակարևոր կոմպոնենտն այն է, որ Հայաստանի քաղաքացիները կարողանան արտահայտել իրենց կարծիքը: Այս մասին վարչապետ ընտրվելու մեկ տարվա կապակցությամբ հրավիրված ասուլիսում ասաց Նիկոլ Փաշինյանը:
«Շատ լավ է, որ այդ քննադատությունները կան: Եթե Հայաստանի քաղաքացին ինձ այդ քննադատություններից չի պաշտպանելու, ես ինչի՞ պիտի պաշտպանվեմ, որ վարչապետի աթոռը պահե՞մ։ Ինձ դա բացարձակապես պետք չէ: Ես այստեղ որպես քաղաքացու ներկայացուցիչ եմ։ Քաղաքացին թող դատի»,- ասաց նա:
Անդրադառնալով նախկին իշխանությունների իրականացրած հակաքարոզչության համար օգտագործվող ֆինանսական հոսքերի մասին հարցին՝ վարչապետը նշեց. «Ծախսում են՝ թող ծախսեն, բայց երբեք թույլ չեմ տա, որ իմ կամ իմ ընտանիքի հետ սուտ լուրեր կապեն: Ոչ մի լուր, ոչ մի բամբասանք անարձագանք չի մնալու: Մենք պետք է աշխարհի առաջատար երկիրը լինենք, օրինակելի երկիր լինենք՝ օրենքի, ընտրությունների, մամուլի ու խոսքի ազատության առումով: Իմ սկզբունքն այն է, որ Հայաստանի քաղաքացին իմանա ճշմարտությունը»:
Մանրամասները՝ տեսանյութում:
Ռոբերտ Անանյան
