02.07.2026 | 10:25
Ուրսուլա ֆոն դեր Լայենը ժամանեց Երևան
Երաշխավորությունն արդեն աջակցություն է. Էդմոն Մարուքյանը՝ Արցախի երկու նախագահների առաջարկների մասին. ՏԵՍԱՆՅՈՒԹ
Քաղաքականություն
07.05.2019 | 15:50
Գոյություն ունի երաշխավորի ինստիտուտ, Արցախի ներկա և նախկին նախագահները միջնորդել են, թող գլխավոր դատախազն էլ պատասխանի: ՀՀ Ազգային ժողովում լրագրողների հետ զրույցում ասաց «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով Ռոբերտ Քոչարյանի խափանման միջոցը փոխելու խնդրանքով ՀՀ գլխավոր դատախազին ուղղված Բակո Սահակյանի և Արկադի Ղուկասյանի դիմումին:
Հարցին՝ սրանում քաղաքական ենթատեքստ տեսնո՞ւմ է՝ Մարուքյանը պատասխանեց. «Նախագահները՝ նախկին և գործող, քաղաքական մարդիկ են, և նրանց բոլոր գործողությունների մեջ պետք է փնտրել քաղաքական ենթատեքստ: Բայց մենք խոսում ենք իրավական պրոցեդուրայի մասին, որ մարդիկ իրավական ընթացակարգով ասում են՝ մենք պատրաստ ենք երաշխավոր լինել, առաջարկում ենք մեզ որպես երաշխավոր հաշվի առնել: Հաշվի կառնեն, թե՞ ոչ, դա գլխավոր դատախազի գործն է»:
Դիտարկմանը, որ Արցախի ներկա և նախկին ղեկավարները, գուցե, առիթն օգտագործում են՝ Ռոբերտ Քոչարյանին իրենց աջակցությունը հայտնելու համար, ԼՀԿ ղեկավարն արձագանքեց. «Երաշխավոր կանգնելն արդեն աջակցություն է, բայց դա քրեական գործի վրա ոչ մի ազդեցություն չի կարող ունենալ»:
Մանրամասները՝ տեսանյութում:
Շողիկ Գալստյան
