Արթուր Ալեքսանյանի անվան ըմբշամարտի նոր մարզադպրոց կկառուցվի, իսկ հինը կվերանորոգվի: Այսօր հրավիրված ասուլիսում այս մասին ասաց ՀՀ սպորտի և երիտասարդության հարցերի նախարարի պաշտոնակատար Գաբրիել Ղազարյանը:
Նոր կառուցվող դպրոցում ավագ տարիքի մարզիկներն են մարզվելու, ցածր տարիքային խմբերի երեխաները՝ գործող մարզադպրոցում, որը համայնքային բյուջեից հատկացված միջոցներով կվերանոգորվի:
«Արթուր Ալեքսանյանի անվան ըմբշամարտի մարզադպրոցի հետ կապված նախահաշվարկային բոլոր աշխատանքները կատարված են»,- ասաց նախարարի պաշտոնակատարը:
Նոր մարզադպրոցի կառուցման համար շուրջ 480 մլն դրամ է նախատեսված: Շինաշխատանքները կմեկնարկեն հաջորդ տարի:
Մանրամասները՝ տեսանյութում:
