02.07.2026 | 12:50
Չեմ վերցնի մանդատը, ուզում եմ հանգստանալ. Ալեն Սիմոնյան․ ՏԵՍԱՆՅՈՒԹ
ԱԺ տնտեսական հանձնաժողովում բացասական եզրակացություն ստացած նախագծին Բաբկեն Թունյանն առաջարկեց կողմ քվեարկել ու ընդգրկել նիստերի օրակարգ․ ՏԵՍԱՆՅՈՒԹ
Քաղաքականություն
07.05.2019 | 10:36
Մայիսի 7-ին մեկնարկեց Ազգային ժողովի հերթական քառօրյան։
Նիստի սկզբում Ազգային ժողովի նախագահ Արարատ Միրզոյանը քվեարկության դրեց ԱԺ հանձաժողովներում բացասական եզրակացություններ ստացած օրենքի նախագծերը լիագումար նիստերի օրակարգ ընդգրկելու հարցը։
Բացասական եզրակացություն ստացած ԱԺ «Բարգավաճ Հայաստան» խմբակցության պատգամավոր Տիգրան Ուրիխանյանի՝ «Կենդանական աշխարհի մասին» օրենքում լրացումներ կատարելու մասին նախագծին պատգամավորները դեմ քվեարկեցին, ու այն լիագումար նիստերի օրակարգ չընդգրկվեց։
Քվեարկության դրվեց նաև «Բարգավաճ Հայաստան» խմբակցության ներկայացրած՝ Հայաստանի Հանրապետության հարկային օրենսգրքում լրացում կատարելու մասին օրենքի նախագիծը։
ԱԺ տնտեսական հանձնաժողովի նախագահ Բաբկեն Թունյանը նշեց, որ թեև այս նախագիծը հանձնաժողովում ստացել է բացասական եզրակացություն, սակայն առաջարկում է այժմ քվեարկել կողմ՝ լիագումար նիստում նախագիծն ավելի մանրամասն քննարկելու համար։
Բաբկեն Թունյանի հորդորից հետո պատգամավորները կողմ քվեարկեցին նախագծին և այն ընդգրկվեց լիագումար նիստերի օրակարգ։
Մանրամասները՝ տեսանյութում։
Աղավնի Սուքիասյան
