Քաղաքականություն
30.04.2019 | 19:41ԱԺ «Լուսավոր Հայաստան» խմբակցության պատգամավոր Մանե Թանդիլյանի համոզմամբ՝ անգամ սեփականատերը քաղաքականությամբ զբաղվելու իրավունք չունի:
«Ընդհանուր առմամբ՝ մեր կուսակցությունը միշտ էլ որոշում է հայտնել առ այն, որ բիզնեսն ու քաղաքականությունը պետք է հստակ տարանջատված լինեն շատ պարզ պատճառով: Քաղաքականության մեջ բինզեսի առկայությունը, երբ դա միախառնված է, ստացվում է այն պատկերը, ինչ ունենք այսօր խորհրդարանում: Այս քննարկումների արդյունքում տեսաք: Այսինքն՝ ի՞նչ է ստացվում, մի տնտեսվարողի շահերի համար աշխատում է մի ամբողջ խմբակցություն, հատկապես, որ տվյալ պատգամավորը հանդիսանում է սեփականատեր: Մենք, չգիտես ինչու, սեփականատերը և օլիգարխը տարանջատեցինք մինչև ԱԺ ընտրությունները, բայց ուզում է սեփականատեր լինի, միևնույն է, քաղաքականությամբ զբաղվելու իրավունք չունի, որովհետև ակնհայտորեն ստացվում է, որ իր քաղաքական դիրքորոշումն ազդում է տվյալ ոլորտի քաղաքականության վրա: Այս պարագայում մենք ականատես եղանք բիզնեսի և քաղաքականության միախառնմանը»,- ասաց ընդդիմադիր պատգամավորը:
Ըստ Թանդիլյանի՝ բիզնեսը հավատարմագրային կառավարման հանձնելը դեռևս չի համարվում շահերի փոփոխություն, որովհետև տվյալ անձը շարունակում է ունենալ բիզնես շահեր տվյալ ոլորտի տնտեսվարման մեջ:
«Ավելին ասեմ, երբ ԱԺ ամբիոնից հնչում է, որ Արմավիրում, թե որտեղ գործարան եմ բացում, ակնհայտորեն մարդը հայտարարում է այն մասին, որ փաստացի զբաղվում է ձեռնարկատիրական գործունեությամբ: Եվ այս ինքնախոստովանությունը բերում է այն համոզման, որ ակնհայտորեն ունենք քաղաքականության ու բիզնեսի միախառնում»,- շարունակեց Մանե Թանդիլյանը:
Մանրամասները՝ տեսանյութում։
Շողիկ Գալստյան
