16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Գագիկ Ծառուկյանի որոշ հայտարարություններ ողջամիտ կասկածի տեղիք տալիս են. Ռուբեն Ռուբինյան. ՏԵՍԱՆՅՈՒԹ
Քաղաքականություն
30.04.2019 | 16:46
ՀՀ Ազգային ժողովի նախագահ Արարատ Միրզոյանի հետ «Իմ քայլը» խմբակցության որոշ պատգամավորների հանդիպումը քիչ առաջ ավարտվեց, իշխանական խմբակցությունը, սակայն, «Քաղաքացու որոշում» կուսակցության դիմումի առնչությամբ դեռ դիրքորոշում չունի։ Քննարկումից հետո լրագրողների հետ զրույցում ասաց «Իմ քայլը» խմբակցության պատգամավոր Ռուբեն Ռուբինյանը։
«Ի թիվս այլ հարցերի՝ քննարկել ենք «Քաղաքացու որոշում» կուսակցության առաջարկությունը։ Ընդհանուր աշխատանքային քննարկում է եղել, բայց դիրքորոշման ձևավորումը մեր խմբակցության տիրույթում է, և այս քննարկումը խմբակցության նիստ չէր։ Առաջիկայում խմբակցության նիստ կկայանա և, ըստ այդմ, կգանք եզրակացության», – նշեց Ռուբեն Ռուբինյանը։
Հիշեցնենք, որ «Քաղաքացու որոշում» կուսակցությունը դիմել էր դատախազություն, իսկ ԱԺ նախագահին հորդորել բարձրացնել նրա պատգամավորական լիազորությունները դադարեցնելու հարցը: Իշխանական խմբակցության պատգամավորն ընդգծեց՝ անձամբ իր կարծիքով՝ Գագիկ Ծառուկյանի որոշ հայտարարություններ իսկապես տարակարծությունների տեղիք են տալիս։
Մանրամասները՝ տեսանյութում։
Շողիկ Գալստյան
