25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
ՀՀԿ-ն ու Քոչարյանը մոտակա ժամանակներում հետ չեն գա, բայց դա չի նշանակում, որ չեն աշխատում. Կարեն Քոչարյան. ՏԵՍԱՆՅՈՒԹ
Քաղաքականություն
29.04.2019 | 19:40
Այս իշխանության ամենամեծ խնդիրն այն է, որ շատերն այդպես էլ չեն կարողանում քաղաքացիական գործչից դառնալ քաղաքական գործիչ։ Այս մասին այսօր հրավիրված ասուլիսի ընթացքում նշեց քաղտեխնոլոգ Կարեն Քոչարյանը։
Ըստ նրա՝ ժամանակի ընթացքում կստեղծվեն այլընտրանքային ուժեր, որոնք այսօրվա իշխանության համար կդառնան քաղաքական լուրջ ընդդիմություն։
«Այսօրվա իշխանությունը, խնդիրների դեպքում, ասում է, որ մեղավոր են հակահեղափոխականները՝ Հանրապետական կուսակցությունը կամ Ռոբերտ Քոչարյանը։ Մոռացե՛ք, ՀՀԿ-ն կամ Քոչարյանը մոտակա ժամանակներում չեն կարողանալու հետ գալ։ Քաղաքական լուրջ կշիռ նրանք այլևս չեն կարողանա ունենալ։ Բայց դա չի նշանակում, որ այլ ուժեր ևս այդ չեն կարող»,- ընդգծեց քաղտեխնոլոգը։
Այսօր, ըստ Կարեն Քոչարյանի, «երևացող» քաղաքական ուժերից մեկը «Լուսավոր Հայաստանն» է, շատերն էլ դեռ սաղմնային վիճակում են։
Նրա խոսքով՝ հետհեղափոխական շրջանում «պատահականության գործոնով» ստեղծված քաղաքական ուժը չէր կարող լինել միատարր։
Անդրադառնալով հետհեղափոխական մեկ տարվան, քաղտեխնոլոգը նշեց, որ սոցիալական առումով քաղաքացիների կյանքը փոփոխության չի ենթարկվել։
«Ես չեմ կարծում, որ մեկ տարում քաղաքացիների կյանքը պետք է փոխվեր, թեպետ այս նույն իշխանությունը, հեղափոխությունից հետո, Կարեն Կարապետյանից ընդամենը մեկ տարի ժամանակ էր ուզում»,- ընդգծեց Կարեն Քոչարյանը։
Մանրամասները՝ տեսանյութում:
Նելլի Մելքոնյան
