Հայերին ուղերձ հղելը քեզ չի փրկում․ Էրդողանը՝ Մակրոնին

Թուրքիայի նախագահ Ռեջեփ Թայիփ Էրդողանը իշխող «Արդարություն և զարգացում» կուսակցության հանդիպման ընթացքում կրկին անդրադարձել է Հայոց ցեղասպանության թեմային: Այս մասին հայտում է Ռուսարմինֆոն։

«Հայերի վերաբնակեցումը ոչ ցեղասպանություն էր, ոչ էլ մեծ ողբերգություն: Այն ուղղակի ցավալի իրադարձություն էր, որը 100 տարի առաջ է  տեղի ունեցել՝ ծանր պայմաններում », – հայտարարել է Թուրքիայի նախագահը:

Էրդողանը կրկին դիմել է այն երկրներին, որոնք ճանաչել են Հայոց ցեղասպանությունը․ մասնավորապես՝ Ֆրանսիային և վերջինիս նախագահ Էմանուել Մակրոնին։

«Թուրքիային մեղադրող երկրները պատասխանատու են Առաջին և Երկրորդ Համաշխարհային պատերազմներում զոհված 70 միլիոն մարդու համար: Ֆրանսիայի նախագահը դա պետք է լավ իմանա»,- ասել է Էրդողանը։

Դիմելով Ֆրանսիայի նախագահին, Էրդողանը հայտարարել է․ «Պարո՛ն Մակրոն, Ֆրանսիայում բնակվող 700 հազար հայերին ուղերձ հղելը քեզ չի փրկում։ Քաղաքականության մեջ, առաջին հերթին, սովորիր ազնիվ լինել»։

Էրդողանի այս ելույթն անցնող տարվա ընթացքում Ցեղասպանության թեմայով արդեն երրորդն է։ Թուրքիայի հայերին ուղղված նախորդ ելույթներում ու հաղորդագրություններում Էրդողանն Օսմանյան կայսրությունում ապրող հայերին «հանցավոր խմբեր» էր անվանել։

Հիշեցնենք, որ ավելի վաղ ՀՀ վարչապետ Նիկոլ Փաշինյանը միջազգային հանրությանը կոչ էր արել գնահատական տալ Թուրքիայի նախագահ Ռեջեփ Թայիփ Հայոց ցեղասպանության վերաբերյալ Էրդողանի վիրավորական հայտարարություններին:

Նելլի Մելքոնյան