28.11.2024 | 23:27
Վրաստանում ցուցարարները շարժվում են դեպի խորհրդարան
ՌԴ Դաշնային խորհուրդն արձագանքել է Թրամփի՝ միջուկային զենքից հրաժարվելու կոչին
Քաղաքականություն
26.04.2019 | 18:09
ՌԴ Դաշնային խորհրդի միջազգային հարցերով կոմիտեի անդամ Սերգեյ Ցեկովը Russian.rt.com-ի հետ զրույցում մեկնաբանել է ԱՄՆ նախագահ Դոնալդ Թրամփի հայտարարությունը։ Վերջինս նշել էր, թե Միացյալ Նահանգները, Ռուսաստանը և Չինաստանը պետք է ազատվեն միջուկային զենքերից։
«Նման հայտարարությունները Թրամփին բնորոշ չեն: Նա շատ հակասական հայտարարություններ է անում: ԱՄՆ-ն մեկ զինվում է, մեկ նախագահն առաջարկում է ամբողջությամբ հրաժարվել միջուկային զենքից: Այդուհանդերձ, պետք էր, որ նա հանդես գար սպառազինությունների մրցավազքի դադարեցման վերաբերյալ հայտարարությամբ», – հայտարարել է Ցեկովը:
Նա նաև նշել է, որ առաջատար երկրների համար միջուկային զենքը զսպող միջոց է։
«Եթե Թրամփն այս հարցում իսկապես որևէ մտադրություն ունի, ապա այժմ կարող է միակողմանի որոշումներ ընդունել: Օրինակ, ցույց տալ, թե ամերիկացիներն իսկապես հրաժարվում են միջուկային զենքից և պատրաստվում են զինաթափվել», – ասել է նա:
Ավելի վաղ ԱՄՆ նախագահը հայտարարել էր, որ ԱՄՆ-ն, Չինաստանը և Ռուսաստանը պետք է հրաժարվեն միջուկային զենքից:
Թրամփը հավելել էր, թե տեսել է՝ ինչպես «Պուտինը Ռուսաստանում հայտարարել է, որ ուրախ է աջակցել ԱՄՆ-ի և Հյուսիսային Կորեայի հարցում»:
Նելլի Մելքոնյան
