02.07.2026 | 17:34
Արմեն Մուրադյանը նշանակվեց բժշկական համալսարանի ռեկտոր․ ՏԵՍԱՆՅՈՒԹ
Թուրքիան և Ադրբեջանը համատեղ կարտադրեն բեռնատար վագոններ
Տնտեսություն
26.04.2019 | 16:00
Թուրքիայի տրանսպորտի և ենթակառուցվածքների նախարար Ջահիթ Թուրհանը հայտարարել է, որ Թուրքիան և Ադրբեջանը համատեղ բեռնատար վագոններ կարտադրեն, որոնք կգործարկվեն Բաքու-Թբիլիսի-Կարս երկաթգծում:
Նախարարի խոսքով` Թյուդեմսաշի (TÜDEMSAŞ) ազգային և տեղական արտադրության 150 բեռնատար վագոն բեռներ են տեղափոխելու Բաքու-Թբիլիսի-Կարս երկաթգծով:
«Ադրբեջանը և Թուրքիան նախագծել են, որ բեռնատար վագոնների համատեղ արտադրությունը կհիմնվի Ադրբեջանում»,- հայտնել է նա:
Թուրհանը նշել է, որ Բաքու-Թբիլիսի-Կարս երկաթիծը որպես ենթակառուցվածք շատ մեծ դեր ունի, հատկապես այն առումով, որ միավորում է Չինաստանից և Միջին Ասիայից դեպի Թուրքիա տանող բոլոր ճանապարհները:
«Խնդրո առարկա նախագիծը ոչ միայն կապում է 3 երկիր, այլև կապում է Անգլիան, Ֆրանսիան, Բելգիան, Ավստրիան, Հունգարիան, Սերբիան, Բուլղարիան, Թուրքիան, Վրաստանը, Ադրբեջանը, Ղազախստանը, Թուրքմենստանը և Չինաստանը»,-ասել է Թուրհանը:
