28.09.2026 | 10:02
Արտարժույթների փոխարժեքները՝ սեպտեմբերի 28-ի դրությամբ
Ժամանակն է, որ Իսրայելը պաշտոնապես ճանաչի Հայոց ցեղասպանությունը. Իսրայելի օրենսդիրների կոչը
Քաղաքականություն
25.04.2019 | 13:12
Հայոց ցեղասպանության հերթական տարելիցին՝ ապրիլի 24-ին, Իսրայելի օրենսդիրները կոչ են արել ճանաչել Հայոց ցեղասպանությունը։
The Jerusalem Post-ի փոխանցմամբ՝ ընդդիմադիր «Եշ Աթիդ» կուսակցության ղեկավար Յաիր Լապիդը նշել է. «Ժամանակն է, որ Իսրայելը պաշտոնապես ճանաչի Հայոց ցեղասպանությունը և դադարի ենթարկվել թուրքական ճնշումներին»:
Նրա խոսքով՝ Իսրայելը Հայոց ցեղասպանությունը հիշելու և «Այլևս երբե՛ք» գաղափարին սատարելու բարոյական ու պատմական պատասխանատվություն ունի:
Պատգամավորը հայտնել է, որ մտադիր է կրկին հանդես գալ Հայոց ցեղասպանության ճանաչման մասին բանաձև ներկայացնելու առաջարկով, և հույս է հայտնել, որ կոալիցիան կաջակցի իրեն:
Նելլի Մելքոնյան
