Քաղաքականություն
23.04.2019 | 17:14Քաղաքագետ Էդգար Վարդանյանի համոզմամբ՝ Հայաստանում համակարգային կոռուպցիայի բացակայությունը չի նշանակում, որ իշխանության վերին էշելոններում կոռուպցիա չկա։
Այս մասին այսօր «Հեղափոխությունից մեկ տարի անց. ամփոփիչ գնահատականներ» թեմայով քննարկման ժամաանկ ասաց քաղաքագետը:
«Դա նույնիսկ չի նշանակում, որ երկրի առաջին պաշտոնը զբաղեցնող անձը պետք է կոռուպցիայից զերծ լինի, որ մենք ասենք, թե երկրում համակարգային կոռուպցիա չկա։ Մենք ունենք միջազգային պրակտիկայում այնպիսի օրինակներ, երբ երկրի առաջին պաշտոնը զբաղեցնող պաշտոնյան մեղադրվել է կոռուպցիայի մեջ, և այդ դեպքում որևէ մեկը չի ասել, թե տվյալ երկիրը թաթախված է կոռուպցիայի մեջ, ընդհակառակը՝ ասվել է, որ այդ երկրում առկա է ժողովրդավարության բարձր ցուցանիշ, երբ երկրի թիվ մեկ դեմքին կարող են դատապարտել։ Դա նաև փաստում է, որ տվյալ երկրում պետական բոլոր ինստիտուտները՝ դատական մարմիններ և այլն, աշխատում են»,- ասաց քաղաքագետը՝ նշելով, որ այսօր Հայաստանի իշխանության ամենաբարձր մակարդակներում չկա համաձայնություն, որ գործելու են կոռուպցիոն սխեմաներով։
«Մեզ մոտ իրավիճակը հակառակն է՝ կա պայմանավորվածություն, որ կոռուպցիան, որպես կենսաձև, մեզ համար անհանդուրժելի է։ Մենք տեսնում ենք, որ իրավապահ մարմինները որևէ խոչընդոտ չունեն ամենաբարձր մակարդակներում քրգործեր հարուցելու և դա կարևոր ցուցանիշ է»,- ասաց նա:
Մանրամասները՝ տեսանյութում։
Աղավնի Սուքիասյան
