Քաղաքականություն
19.04.2019 | 23:00
ՀՀ վարչապետ Նիկոլ Փաշինյանն այսօր ֆեյսբուքյան ուղիղ եթերում անդրադարձավ կառավարության նիստերից մեկում իր արած հայտարարությանն այն մասին, որ քաղաքացիները պետք է աշխատեն ՃՈ հետ, նկարահանեն խախտումներն ու ուղարկեն ոստիկանություն` դրա դիմաց ստանալով բալեր։
«Ճանապարհային ոստիկանությունը պիտի աշխատեր այս ուղղությամբ, այս օրենքի փաթեթի վրա, բայց չի աշխատել, որովհետև համարել է, որ ես դրա մասին հանձնարարություն չեմ տվել։ Թեև իմ արած հրապարակային հայտարարությունն իրենք պիտի ի գիտության ընդունեին ու քայլեր ձեռնարկեին»,–ասաց Փաշինյանը հավելելով, որ բալային համակարգի հետ կապված աշխատանքն ընթանում է և իրեն տրված տեղեկանքով առաջիկա մեկ ամսվա մեջ արդեն փաթեթը կուղարկվի Ազգային ժողով։
«Ասում են, որ հանձնարարական չեմ տվել, բայց այն, որ ես կառավարության նիստում այս մեխանիզմի անհրաժեշտության մասին հայտարարություն եմ անում, բավական չէ՞, բա հանձնարարականը պոզով-պոչո՞վ է լինում»,-նկատեց վարչապետը։
