26.08.2026 | 15:59
Զելենսկին Մասկին պարգևատրել է Ազատության շքանշանով՝ երկրի բարձրագույն պարգևներից մեկով
Զարմանալի է, որ քննադատում են ԱԱԾ պետին, նա վարչապետին է ենթակա. Մարուքյանը՝ Սանասարյանի գործի մասին. ՏԵՍԱՆՅՈՒԹ
Քաղաքականություն
19.04.2019 | 17:10
«Կոռուպցիա կա, որի դեմ պետք է պայքարել, դրա մասին մենք միշտ խոսել ենք»,- այսօր խորհրդարանում պատասխանելով Factor.am-ի՝ ասաց «Լուսավոր Հայաստան» խմբակցության ղեկավար Էդմոն Մարուքյանը:
Մարուքյանից հետաքրքրվեցինք՝ ինչպե՞ս է վերաբերվում Պետական վերահսկողական ծառայության ղեկավար Դավիթ Սանասարյանին առաջադրված մեղադրանքին, պատգամավորն ասաց Սանասարյանին ճանաչում է որպես բարեվարքության բոլոր կանոնները պահպանող մարդ. «Սա մեզ համար նույնպես անակնկալ է, ես կարծում եմ՝ պետք է թողնել նախաքննությունն ընթանա, թափանցիկ բոլորս կտեսնենք: Ինձ համար զարմանալին այն է, որ բոլորը քննադատում են ԱԱԾ պետին, Ֆեյսբուքում այդպիսի քարոզարշավ կա: Զարմանալի է, որովհետև Հայաստանում ԱԱԾ-ն կառավարողը վարչապետն է, այսինքն՝ այնտեղ երկերեսանիության հարց կա, որ սխալ տեղ են ուղղում պահանջները»։
Ընդդիմադիր պատգամավորի խոսքով՝ չի ուզում հավատալ, որ որևէ մեկի նկատմամբ կարող է քաղաքական հետապնդում լինել, հնարավոր է փնթիություն լինի, բայց ոչ քաղաքական հետապնդում:
Մանրամասները՝ տեսանյութում։
