17.12.2025 | 11:10
FIFA The Best. Ում օգտին են քվեարկել Էդուարդ Սպերցյանը և Եղիշե Մելիքյանը
Սուդանում ռազմական հեղաշրջում է տեղի ունեցել
Քաղաքականություն
11.04.2019 | 12:17
Սուդանի բանակը երկրում հեղաշրջում է իրականացրել: Lenta-ի փոխանցմամբ՝ այս մասին հաղորդում է արաբական «Ալ Մայադին» հեռուստաալիքը:
Զինվորականները որոշել են բոլոր պաշտոններից հեռացնել նախագահ Օմար ալ-Բաշիրին և ցրել կառավարությունը: Սուդանի ռազմական խորհուրդը պատրաստվում է մեկ տարի ժամկետով ստանձնել իշխանությունը:
Նախագահական պալատը շրջապատված է զինվորականներով և զրահատեխնիկայով: Զինվորականները նաև գրավել են Սուդանի պետական հեռուստատեսությունն ու ռադիոն և դադարեցրել հեռարձակումը: Ներկայում եթերում հայրենասիրական երաժշտություն է հնչում:
«Ամերիկայի ձայնի» լրագրող Հարուն Մարուֆը Twitter-ում գրել է, որ Խարթումի փողոցներում զինվորներ են շրջում, իսկ օդանավակայանը փակ է:
Վերջին շաբաթներին Սուդանում նախագահի հրաժարականի պահանջով ցույցեր էին անցկացվում: Ցուցարարները դիմել էին բանակին՝ խնդրելով պաշտոնից հեռացրել 30 տարի երկիրը ղեկավարող նախագահ ալ-Բաշիրին:
