24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ԱԻՆ փրկարարները մեկնել են Վրաստան՝ հրդեհաշիջման աշխատանքներին մասնակցելու համար
22.08.2017 | 18:08
Հայաստանի արտակարգ իրավիճակների նախարարության 57 հոգանոց պատվիրակությունը մեկնել է Վրաստան` աջակցելու Բորժոմի քաղաքի մոտ բռնկված անտառային հրդեհի դեմ պայքարին: Այս մասին Factor.am-ին հայտնեց ԱԻՆ լրատվության բաժնի պետ Գոհար Բաղդասարյանը:
«Շարասյունը Վրաստան է ուղևորվել այսօր ժամը 16:30-ին: Դրանում ընդգրկված է 57 մարդ, 8 հրշեջ մեքենա, փրկարարական մեքենա, ինչպես նաև շարժական կառավարման կետ, որը հրդեհի վայրում ծառայելու է որպես շտաբ»,- մանրամասնեցին ԱԻՆ լրատվության բաժնից:
Գոհար Բաղդասարյանի փոխանցմամբ՝ Վրաստանի կողմից միջազգային հանրություն օգնության հայտ է ներկայացվել ՄԱԿ-ի մարդասիրական գործերը համակարգող գրասենյակի միջոցով, որը ստացել է նաև Հայաստանը, իշխանությունները որոշել են արձագանքել:
Հիշեցնենք՝ Վրաստանի Բորժոմի քաղաքի մերձակայքում հրդեհն սկսվել Է օգոստոսի 20-ին: Մինչ այժմ հրշեջները շարունակում են պայքարել կրակի դեմ: Իրադրությունը բարդացնում են բարդ ռելիեֆը, քամին և չոր եղանակը: Սկզբնապես հաղորդվել Էր հինգ հեկտար ոչնչացված տարածքի մասին, սակայն, վերջին տվյալներով, մի քանի տասնյակ հեկտար անտառ Է այրվել:
Շողիկ Գալստյան
