14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Թուրքմենները հավակնություն են ներկայացնում Գոլանի բարձունքների նկատմամբ
Քաղաքականություն
25.03.2019 | 22:35
Գոլանի բարձունքների մասին ԱՄՆ-ի նախագահի սկանդալային գրառումն իրարանցում է առաջացրել ոչ միայն թուրքերի, այլև Սիրիայի և Իրաքի թուրքմենների շրջանում։ Ինչպես փոխանցում է ermenihaber.am-ը, վերջիններս, ինչպես հայտնի է, վայելում են Անկարայի աջակցությունը։
Օրերս Թրամփը Twitter-ում գրել էր.
«52 տարի անց եկել է ժամանակը, որ ԱՄՆ-ն լիարժեք ճանաչի Իսրայելի իշխանությունը Գոլանի բարձունքներում: Դրանք չափազանց կարևոր ստրատեգիական նշանակություն ունեն Իսրայելի անվտանգության և տարածաշրջանային կայունության պահպանման համար»։
«Իրաքի թուրքմեննների ճակատ» կազմակերպության գլխավոր քարտուղար Էրշաթ Սալիհին հանդես է եկել սկանդալային հայտարարությամբ, որում պնդել է, թե Գոլանի բարձունքները պատկանում են Սիրիայի թուրքմեններին։
«1967թ. օկուպացումը պատճառ դարձավ, որպեսզի թուրքմենները գաղթեն և տեղակայվեն Դամասկոսում։ Գոլանի բարձունքները ոչ իսրայելական, ոչ էլ արաբական տարածք են, դրանք թուրքմենական են»։
