13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Սերբիայում հակակառավարական ցույցերը բախումներով են ուղեկցվել. ոստիկաններ են տուժել
Քաղաքականություն
18.03.2019 | 16:09
Սերբիայում նախագահ Ալեքսանդր Վուչիչի հրաժարականի պահանջով բողոքի ակցիաները վերածվել են իրավապահների հետ բախումների: Բելգրադում ցույցերի ընթացքում ոստիկաններ են տուժել: Ակցիայի մասնակիցները քարեր և շշեր են նետել իրավապահների ուղղությամբ, հաղորդում է «Զվեզդա» հեռուստաալիքը:
Ցուցարարները նաև փորձել են ոստիկանական բաժանմունք ներխուժել՝ անկարգությունների ժամանակ ձերբակալվածներին ազատելու համար: Նրանք սպառնացել են անժամկետ ակցիաներ անցկացնել, եթե իրենց կողմնակիցներին ազատ չարձակեն:
Հակակառավարական ակցիայի մասնակիցներն ավելի վաղ ներխուժել են նաև պետական հեռուստատեսության շենք և ուղիղ եթեր պահանջել: Նախագահ Վուչիչը հայտարարել է, որ անկարգությունների մասնակիցները պատժվելու են:
Սերբիայի ոստիկանության ղեկավար Վլադիմիր Ռեբիչն էլ հաղորդել է 18 ձերբակալվածի մասին: Նրանցից 9-ը, ըստ Ռեբիչի, հասարակական կարգ են խախտել, իսկ 8-ը՝ հանցագործություն կատարել: Ընդ որում, 7 մարդ արդեն վարչական պատասխանատվության է ենթարկվել:
