25.11.2024 | 21:45
Սարի հակառակ կողմը. ՏԵՍԱՆՅՈՒԹ
Ամերիկայի Հայ դատի հանձնախումբը Լոս Անջելես-Երևան ուղիղ չվերթի հարցով բանակցություններ է վարում
06.05.2017 | 11:51
Ամերիկայի Հայ դատի հանձնախմբի (ANCA) ներկայացուցիչները հանդիպել են Լոս Անջելեսի միջազգային օդանավակայանի ներկայացուցիչների հետ և քննարկել ԱՄՆ-ՀՀ ուղիղ չվերթներ սկսելու հարցը: Այս մասին հայտնում է anca.org-ն՝ նշելով, որ այս հարցում առաջնահերթ է ոչ միայն ճանապարհորդների ժամանակը խնայելը, նրանց հարմարավետությունն ապահովելը, այլև կայուն զբոսաշրջության խթանումը, բիզնես ճանապարհորդությունների ու ապրանքափոխադրումների ընդլայնումը և ԱՄՆ-Հայաստան երկկողմ տնտեսական հարաբերությունների հզորացումը:
Աղբյուրի հաղորդմամբ՝ Ամերիկայի Հայ դատի հանձնախումբը ներկայացրել են նախագահ Ռաֆֆի Համբարյանը և ANCA-ի ներկայացուցիչ Զանգու Արմենյանը: «Մենք ողջունում ենք Լոս Անջելեսի միջազգային օդանավակայանի բարձրաստիճան ղեկավարության հետ մեր կառուցողական համագործակցությունը և գնահատում նրանց պատրաստակամությունը՝ մասնակցելու Լոս Անջելես-Երևան ուղիղ չվերթների վերաբերյալ ՀՀ պետական և մասնավոր հատվածի հետ քննարկումներին», – ասել է Ռաֆֆի Համբարյանը:
